Gjykata e Elbasanit kishte planifikuar zhvillimin e seancës ndaj shtetasit urahinas, Fedyr Alpatov, i akuzuar për spiunazh në fabrikën e armëve në Gramsh këtë të premte. Mirëpo mësohet se gjyqtarja që kishte në dorë çështjen e tij për zëvendësim masë sigurie, ka hequr dorë nga gjykimi i saj.
Sipas gjyqtares, shkak për heqjen dorë nga kjo dosje është se, bashkëshorti i saj punon në Ministrinë e Mbrojtje, çka përbën dhe konflikt interesi.
Dorëheqja e saj pritet të gjykohet nga Gjykata e Apelit në Durrës, ndërsa afati për shyrtimin e kërkesës së shtetasit ukrahinas është pesë ditë.
Si ndodhi ngjarja?
Ukrainasi Fedir Alpatov, u arrestuar në Gramsh bashkë me dy rusë, pas një incidenti në ish-Uzinën e Përpunimit të Armëve.
Referuar dosjes së prokurorisë sërguar gjykatës rezulton se më datë 20.08.2022, rreth orës 17:35, nga ana e punonjësve të shërbimit, rojeve ushtarake të Uzinës Mekanike Ushtarake Çekin, është njoftuar Salla Operative e Komisariatit të Policisë Gramsh, se në ambientet e rrethimit të brendshëm të këtij objekti, është futur një shtetas i huaj, i cili pasi është konstatuar nga roja e shërbimit, është larguar nga magazinat duke kaluar muret rrethuese të Uzinës.
Ky shtetas është ndjekur nga dy rojet e Uzinës dhe në distancë rreth 200 m, larg objektit, në momentin që ata janë afruar për ta ndaluar dhe shoqëruar këtë shtetas, ai ka bere rezistence dhe ka nxjerrë një spraj duke ua hedhur në fytyre dhe në trup, më qellim që të largohej nga ata.
Megjithë këto veprime, rojet kanë bërë të mundur neutralizimin e tij dhe e kanë mbajtur të bllokuar deri në momentin që kanë ardhur shërbimet e Komisariatit të Policisë Gramsh, të cilët kanë bërë shoqërimin e tij në ambientet e këtij komisariati.
Nga veprimet e para ka rezultuar se shtetasi i huaj, i identifikuar si Mikhail Zorin, me shtetësi ruse, ka qenë i shoqëruar edhe nga dy persona të tjerë, të cilët udhëtonin me një mjet sportiv ngjyrë portokalli me vija të zeza, me targë AX6200IP.
Menjëherë janë organizuar shërbimet dhe janë vendosur pika kontrolli dhe është bërë e mundur kapja dhe shoqërimi i mjetit me targa AX6200IP, në të cilin ndodheshin shtetasi ukrainas Fedir Alpatov dhe shtetasja ruse Svetlana Timofeeva.
