Një vrasje me armë zjarri ka ndodhur pasditen e kësaj të Premteje në kryeqytet, në zonën e Selitës.
I vdekur ka mbetur Edmond Papaj 49 vjeç.
Autori, pas krimit, ka arritur të arratiset, ndërsa mbetet i panjohur për policinë.
Papaj u qëllua disa herë me armë zjarri teksa ndodhej në një lokal. Nga të shtënat, ai mbeti i plagosur dhe u transportua për në spitalin e Traumës. Por, nuk arriti të mbijetojë.
Ngjarja
Krimi ndodhi rreth orës 16.30, në rrugën ‘Fadil Bodinaku’.
“Në lokalin në pronësi të shtetasit V.Sh., një person ende i pa identifikuar ka qëlluar me armë zjarri pistoletë shtetasin E.P., 49 vjeç, i cili si pasojë e plagëve të marra ka ndërruar jetë në spital”, thuhet në një njoftim paraprak të policisë së Tiranës lidhur me ngjarjen.
Në vendin e ngjarjes ndodhet grupi hetimor dhe po punon për sqarimin e rrethanave të ngjarjes dhe identifikimin e autorëve, ndërsa shërbimet e Policisë po vijojnë kontrollin e zonës për të bërë të mundur kapjen e autorit, shtojnë të njëjtat burime.
