Analisti Fatos Lubonja ka shprehur rezerva për “përplasjen” mes ambasadores amerikane Yuri Kim dhe kryeministrit Edi Rama, përsa i përket nisjes së procedurave për zëvendësimin e diplomates.
Lubonja thotë se kjo çështje është fryrë shumë për të mbuluar ndonjë skandal që mund të jetë përfshirë kreu i qeverisë.
I ftuar në emisionin “Open”, Lubonja ka kritikuar ambasadoren Kim, teksa shtoi se ajo duhet të jetë më transparente përsa i përket presionit që ushtrohet në drejtësinë e re.
Analisti tha se nëse diplomatja amerikane ka informacione se kush i bën presion drejtësisë, atëherë duhet t’i publikojë, ose të largohet.
“Kemi shumë raste që tregojnë se po të kishin këtë shqetësim amerikanët, do kishin ndërhyrë. Në rastin më të mirë të vogël, do thoja se me këtë zgjedhje, amerikanët mund të duan… se Rama është i qartë, e bëri reformën për të kapur drejtësinë. Përsa i përket ambasadores, në rastin më të mirë të vogël, duan të ruajnë një imazh sikur reforma në drejtësi nuk është kapur. Duan të ruajnë imazhin se ja ne po bëjmë diçka këtu. Në rastin duan të ruajnë imazhin. Ose ndonjë diçka tjetër, duan njerëz që i kontrollojnë ata. Për arsyet e tyre. Jam indiferent në këtë konflikt. Mund të mendoj që është fryrë konflikt për të mbuluar ndonjë skandal tjetër që mund të ketë Rama”, tha Lubonja.
