Doganierët holandezë në portin e “Vlissingenit” kanë zbuluar 1.2 ton kokainë gjatë një kontrolli të kryer në dy kontejnerë me banane.
Sasia prej 1279 kilogramë kokainë nëse do të dilte në treg, do të arrinte sipas Prokurorisë Publike vlerën prej 95 milionë euro.
Mediat vendase raportojnë se kontejnerët ishin nisur nga Ekuadori dhe u transportuan në Vlissingen, pasi kishin kaluar më parë në portin e Antwerp.
Porosia për bananet ishte kryer nga një kompani në qytetin Zeeland, por sipas Prokurorisë Publike ajo nuk është e përfshirë në kontrabandë kokaine.
Konfiskimet e kokainës janë të zakonshme në portet e Holandës, megjithëse zakonisht ndodh në portin e Roterdamit, që njihet botërisht edhe si “porta” hyrëse e drogës nga Amerika Latine në Europë.
