Ndeshja mes Holandës dhe Argjentinës në çerekfinalet e Botërorit, na shfaqi një anë tjetër të Lionel Mesit. Argjentinasi ishte shumë nervoz në fund të sfidës edhe pse fitoi dhe ktheu festën në tallje dhe shpërthime ndaj kundërshtarëve.
Objektivi i tij ishte sidomos stafi teknik i Holandës, me Van Gal në krye pasi ai kishte thënë se holandezët duhej të shfrytëzonin “mungesën” e Mesit në fushë në fazën mbrojtëse. Kjo bëri që ai në fund të sfidës të shkonte para pankinës holandeze me gjeste polemizuese, duke u kacafytur me Edgar Davids.
Por pas ndeshjes gjysmëfinale ndaj Kroacisë, u shfaq përsëri Mesi “i zakonshëm”, pasi argjentinasi nuk kishte asnjë problem me kundërshtarët ballkanas. Përkundrazi, në fund të sfidës, duke pikasur Zlatko Daliç në korridorin e stadiumit, ai edhe ndërpreu në mes intervistën e tij për të përshëndetur trajnerin kroat me shumë mirësjellje dhe respekt.
