Të paktën tre persona dyshohet se kanë vdekur pasi një varkë me emigrantë u fundos në orët e para të mëngjesit të sotëm në Kanalin Anglez.
Ekipet e kërkim shpëtimit kanë njoftuar se trupat e pajetë janë duke u transportuar me helikopterë, ndërkohë që dyshohet se mund të ketë edhe viktima të tjera, raportojnë mediat britanike.
LBC raporton se 43 njerëz janë shpëtuar të gjallë, por po luftojnë për jetën e tyre në spital.
Nuk dihet nëse ka edhe emigrantë shqiptarë në gomonen që është përmbysur në mes të Kanalit rreth orës 03:40 të mëngjesit kur temperatura ka zbritur sipas mediave britanike në -3 gradë celcius.
Varka besohet të jetë përmbysur rreth pesë milje larg Dungeness, duke detyruar më shumë se 40 njerëz në detin e akullt, ku koha e mbijetesës do të ishte jashtëzakonisht e ulët.
