Niveli i lumit Ishëm ka rënë në zonën e Murqinës pasi reshjet e shiut pushuan, por shumë sipërfaqe vijojnë të jenë të përmbytura.
Në Krujë 20 familje vijojnë të jenë të izoluara nga uji. Kjo situatë krijohet nga kanalet e pa pastruara të cilat në vend që ta përcjellin ujin në lumë e kthejnë atë mbrapsht, duke bërë që niveli i ujit të mos ulet.
Pasditen e sotme priten sërish reshje të shumta shiu. Moti i tillë do të vijojë të jetë prezent në territorin shqiptar deri në fund të javës.
