Në një kohë që bosi i kokainës Dritan Rexhepi kërkohet në Ekuador pasi nuk ka shkuar të paraqitet para organeve të drejtësisë pasi fitoi lirinë me kusht në nëntor të 2021, emri i tij del në një tjetër çështje, këtë herë në Itali.
Sipas mediave përtej Adriatikut, Gjykata e Firences kërkon 20 vite burg për “Zotin” shqiptar të drogës, që ka lidhjet kryesore me Amerikën Latine dhe ka kryer dënimin në burgun e “Quitos” më famëkeqi në Ekuador.
Është “La Nacione” që ka shpërndarë lajmin, teksa shkruan se ka përfunduar pjesa e parë e hetimeve për trafikun ndërkombëtar mes Ekuadorit dhe Firences, me avokatët e bosit shqiptar që kanë kërkuar gjykim të shkurtuar gjë që ka favorizuar uljen e viteve të dënimit.
“Karteli shqiptar i drogës, drejtuar nga Rexhepi importonte sasi të mëdha kokaine nga Amerika e Jugut, Ekuadori, drejt Italisë e rajonit të Toskanës përmes një rrjeti trafikantësh në të gjithë botën. Hetimet, të cilat filluan në vitin 2015, që çuan në sekuestrimin e 5 milionë eurove dhe 4 ton kokainë, fillimisht ishin përqendruar në Firence, ekzistenca e së cilës ishte zbuluar duke hetuar një episod në dukje të parëndësishëm në lidhje, pas një përleshje të dhunshme mes subjekte të lidhura me shfrytëzimin e prostitucionit që shpërtheu në via delle Medaglie d’Oro, në Rifredi”, raporton media italiane.
Hetuesit kuptuan se biznesi i tyre nuk ishte vetëm shfrytëzimi pas kapjes së një telefoni celular të ‘kriptuar’ Blackberry (çdo bisedë ishte e aksesueshme me një kod), ku hetimet arritën të zbulonin tregtinë ndërkombëtare të super-kartelit “Los Blancos”, ku bën pjesë edhe kompania “Bello”, krerët e së cilës fshihen në Dubai.
“Gjykatësi Romeo vendosi dënime nga dy vjet deri në dhjetë muaj e njëzet vjet, dënimi më i rëndë për bosin Dritan Rexhepi, i mbajtur tani në burgun e trazuar në Guayaquil, Ekuador”, bëhet me dije më tej.
