Trajneri i Partizanit, Giovanni Colella ka dhënë mendimin e tij pas barazimit 3-3 me Erzenin.
Ndeshja – Kundershtari na shënoi dy gola dhe kaq. U vonuan deri në fund dhe na ndëshkuan.
Përgjegjësia e dy pikëve të humbura – Sigurisht përgjegjësia e parë më takon mua për sa i përket rezultatit. Por kur ndodhen edhe ndërprejre si kjo e sotmja ka edhe gjëra të tilla. E përsëris që nuk ishim në latrtësinë e duhur, menduam se fituam por Erzeni na barazoi.
Zëvëndësimet – Isha i detyruar, nuk ishin zgjedhje taktike por nuk kisha mundësi tjetër. Nuk e di nëse ishin të drejta apo jo, thjeshtë isha i detyruar. Mendoj se problemi është te rastet që nuk i shënuam në gol. Kemi toleruar shumë, nuk arritëm të mbyllim ndeshjen dhe duke filluar nga unë i pari, kemi përgjegjësi për këtë rezultat.
Ndryshimi taktik me zëvendësimeve – I pari ishte Hoti që duhet të luante trekuartist prapa Carës dhe Skukës më pas Masanga shfaqi probleme dhe ndryshuam skemën me tre mbrapa. Edhe Rrapaj u ndëshkua dhe e hoqa. Në atë moment kalona me dy lojtarë të tjerë si Hoti dhe Magete dhe sërish u detyruam të shkonim në 3-4-3 me Jonuzin që zëvendësoi Hotin e dëmtuar. 4 zëvendësime, 4 skema të ndryshme. Isha i detyruar.
Mungesa e Da Silva – Da Silva vijon rikuperimin, ka shfaqur probleme dhe ne vazhdojmë me programe rikuperimi.
