Moti i keq dhe reshjet intensive të dëborës, kanë bërë që fluturimet të pezullohen të paktënnë një javë.
Sipas mediave britanike, dhjetra fluturime janë anuluar nga aeroporti i Dublinit me të paktën 23 fluturime dalëse dhe 27 fluturime hyrëse të anuluara deri më tani të shtunën.
Të premten në mbrëmje u anuluan 69 fluturime në nisje dhe 74 fluturime hyrëse. Autoriteti i Aeroportit të Dublinit (DAA) tha se ngrirja e akullit të avionëve kishte shkaktuar vonesa.
Të shtunën në mëngjes, aeroporti i Mançesterit mbylli përkohësisht të dy pistat për shkak të reshjeve të mëdha të borës, me dhjetëra fluturime të prekura. Reshjet e dimrit do të sjellin probleme në pjesë të Skocisë, Irlandës së Veriut, Uellsit dhe Anglisë perëndimore.
