Anëtarët e dy rrjeteve kriminale, të cilët dyshohet se janë pasuruar duke kërcënuar biznesmenë nga Taxhikistani, janë gjuajtur me armë në mes të një rruge në lagjen Fatih të Stambollit. Gjatë konfliktit ka humbur jetën Bahodur Barotov (26), ndërsa dy persona janë lënduar. Përleshja në të cilën u ndaluan 12 persona u pasqyrua në kamerat e sigurisë, raporton t24.
Byroja e Vrasjeve shqyrtoi pamjet e kamerave të sigurisë. Në pamjet filmike është konstatuar se të dyshuarit, të ndarë në dy grupe, kërcënojnë njëri-tjetrin duke drejtuar armën dhe një person që ka ardhur pas tij ka filluar të qëllojë.Mësohet se mes tyre ka pasur një mosmarrëveshje për shkak të një anëtari të rrjetit, i cili ka kundërshtuar marrjen e parave nga një biznesmen në punën e tyre të fundit, duke thënë se “ai është miku im, mos i merrni para”.
Mësohet se të dyshuarit, të cilët natën e ngjarjes janë mbledhur për të biseduar për këtë çështje, janë përleshur pas diskutimit.Të dyshuarit gjatë marrjes në pyetje në komisariat kanë thënë se përleshja ka ndodhur për shkak të një borxhi.
