Samiti i BE-së dhe Ballkanit Perëndimor në Tiranë prodhoi gjithçka.
Nga ulja në gjunjë e Edi Ramës përkundrejt kryeministrit të Luksemburgut, Xavier Bettel, te provokimet e Aleksandër Vuçiç e deri te krenaria e shfaqur në formë buzëqeshje e Vjosa Osmanit kur “Vallja e Rugovës” kërcehej nga valltarët me veshje popullore në sheshin para stadiumit “Air Albania”.
Por, ajo çka i ka shpëtuar fokusit të kamerave është hyrja e kryeministrit të Suedisë Ulf Kristersson në ambientet ku po zhvillohej pritja zyrtare e liderëve nga ana e Ramës në Samit.
Kristersson zbret nga makina që e kishte transportuar prej aeroportit “Nënë Tereza” dhe e humb tërësisht fillin, pasi kryeministrin shqiptar e ngatërron me një roje sigurie, duke mos iu afruar për ta takuar.
Është përshëndetja e gjatë me duar nga Rama që e bën Kristersson të reagojë dhe të kutpojë se sapo kishte kaluar përkrah kryeministrit të Shqipërisë.
@solei.alPerla e samitit♬ Laughing – Gianluca Marino
