Policia italiane ka identifikuar autorin që kishte kërcënuar me jetë kryeministren italiane dhe vajzën e saj.
“Nëse i heq të ardhurat bazë, do të të vras ty dhe vajzën tënde”. Ajo dhe vajza e saj duhet të vriten”“, ishin këto disa nga mesazhet e dërguara nga 27-vjeçari, siç raportohet në Twitter nga llogaria e “Vëllezërit e Italisë.”
Bëhet fjalë për një 27-vjeçar, i cili banonte në provincën Arezzo. Sipas asaj që është bërë e ditur, policia ka sekuestruar pajisje elektronike dhe gjatë hetimeve online është konfirmuar se llogaria i përkiste të dyshuarit. Gjithashtu janë duke u hetuar edhe pajisje të tjera.
“Nxitja e zemërimit dhe urrejtjes është e rrezikshme. Shpresoj që Giuseppe Conte të mendojë për një minutë dhe t’i dënojë pa hezitim këta njerëz të dhunshëm”, shkroi në në Twitter drejtori i organizatës, Giovanni Donzelli.
