Futbolli shqiptar rikthehet në fushën e blertë pas gati një pauze 1-mujore për shkak të Botërorit që po zhvillohet ende në Katar.
Sonte, në orën 19:00, në stadiumin “AIR Albania”, do të zhvillohet Superkupa e Shqipërisë, Tirana-Vllaznia. Sektori i dizenjimit të arbitrave, ka vendosur kryesorin e FIFA-s, Eldorjan Hamitin që do të drejtojë këtë supersfidë.
Në mbështetje të tij pritet të jenë asistentët, Denis Rexha dhe Ridiger Çokaj. Arbitër i katërt pritet të jetë Emanuela Rusta.
Në VAR, do të jetë arbitri i FIFA-s, Enea Jorgji, ndërsa në AVAR pritet të jetë Juxhin Xhaja.
