Ambasada e Shteteve të Bashkuara të Amerikës ka reaguar për sulmin ndaj kryetarit të Partisë Demokratike, Sali Berisha.
Berisha u godit me grusht nga Gerti Shehu paraditen e kësaj të marte, teksa po niste protesta e opozitës.
“U skandalizuam nga sulmi fizik sot ndaj një anëtari të Parlamentit dhe presim që autoritetet ta hetojnë plotësisht incidentin. Askush nuk duhet sulmuar sepse ushtron lirinë e fjalës në përputhje me ligjin”, tha një zëdhënës i ambasadës për median.
Ndërkaq është bërë me dije se Shehu vuan nga probleme të shëndetit mendor, dhe është duke marrë medikamente mjekësore dhe diagnoza paraprake është rregullim psikoti i papërcaktuar.
Sipas vërtetimit mjekësor ai vazhdon të trajtohet me dy medikamentet për gjendjen e tij mendore, ndërsa thuhet se ai duhet ta paraqesë raportin e tij kudo.
