Një aksident me një viktimë është regjistruar pasditen e sotme në “Unazën e Re” të Tiranës, në segmentin Shkozë-Rrethrrotullimi i TEG-ut.
Njoftim i policisë:
Më datë 06.12.2022, rreth orës 17:30, në aksin rrugor Shkozë – TEG, një automjet me drejtues ende të paidentifikuar, ka aksidentuar një shtetas ende të paidentifikuar, i cili si pasojë e aksidentit ka ndërruar jetë në vendngjarje.
Grupi hetimor po punon për saktësimin e gjeneraliteteve të drejtuesit të automjetit dhe të viktimës, si dhe për sqarimin e rrethanave të aksidentit.
