Anëtari i Kryesisë së Partisë Demokratike, Gent Strazimiri, komentoi në emisionin ‘Çim Peka Live’ Primaret e PD-së që u mbajtën të dielën.
Gent Strazimiri tha se është hera e parë që Primaret ndodhin në Shqipëri dhe në një moment kur demokracia është gjëja më e dobësuar.
“Ndodh në momentin kur gjëja më e dobësuar në këtë vend është demokracia. Vota është problemi kryesor që kemi, vota blihet, shitet, shantazhohet. Lajmi i mirë për gjithë shoqërinë është pikërisht kur vota duket se nuk është më e fuqishme, fuqizo votën dhe punët ecin.
Këtë s’mund ta bënte një forcë tjetër, por PD-ja që ka themeluar pluralizmin. Ata që qeverisin, një parti shtet ka eliminuar votën.”-tha Strazimiri.
