Bashkia e Tiranës, më e rëndësishmja në vend nuk do të ketë një emër kandidati nga Partia Demokratike deri më 11 dhjetor.
Kjo pasi gara e brendshme nuk ka arritur të përcaktojë kandidatin që do të sfidojë Erion Veliajn në zgjedhjet lokale të 14 majit.
Asnjë prej shtatë kandidatëve në garë për Primaret në Tiranë nuk ka arritur të kalojë pragun 50%, edhe pse Belind Këlliçi ka kryesuar me më shumë se 2000 vota nga vendi i dytë që mbahet prej mjekut Ilir Alimehmeti.
Në përfundim të numërimit të rreth 8500 fletëve të votimit të vlefshme, Këlliçi ka marrë 4040 vota, Ilir Alimehmeti 2196 vota dhe në vend të tretë renditet Gerti Bogdani me 1819 vota.
Këlliçi dhe Alimehmeti do të garojnë përballë njëri tjetrit në raundin e dytë më 11 dhjetor, për të përcaktuar edhe emrin që do të përfaqësojë PD në Lokale.
Rezultatet e primareve për Tiranën:
Adriana Kalaja – 128 vota
Belind Këlliçi – 4040 vota
Enkelejda Fejzo – 66 vota
Fatmir Merkoçi – 35 vota
Gerti Bogdani – 1819 vota
Ilir Alimehmeti – 2196 vota
Julian Deda – 157 vota
Të pavlefshme – 29 vota
Votues gjithsej – 8470
