Policia e Korçës ka shpallur në kërkim një 25-vjeçar, i cili akuzohet për veprën penale “plagosje e lehtë me dashje”.
I riu ka plagosur me thikë një 38-vjeçar dhe më pas është larguar nga vendngjarja. Ngjarja ka ndodhur në lagjen nr. 8 në Korçë.
I plagosuri është jashtë rrezikut për jetën.
“Specialistët për Hetimin e Krimeve në Komisariatin e Policisë Korçë referuan materialet në Prokurori dhe shpallën në kërkim shtetasin P. R., 25 vjeç, banues në Korçë, për veprën penale “Plagosja e lehtë me dashje”, pasi në lagjen nr. 8, Korçë, ka dëmtuar me mjet prerës (thikë) shtetasin B. A., 38 vjeç, banues në Korçë, i cili ndodhet jashtë rrezikut për jetën.”-njofton policia.
