Një aksident me një grua të plagosur ka ndodhur këtë të Shtunë në Gjirokastër.
Policia njoftoi se “rreth orës 16:50, në vendin e quajtur “Ura e Lumit”, A. XH., 34 vjeç, banues në Gjirokastër, duke drejtuar automjetin tip “Benz”, ka aksidentuar L. Z., 53 vjeçe, banuese në Gjirokastër, këmbësore në rrugë”.
Kjo e fundit u transportua për në spitalin Rajonal Gjirokastër, për të marrë ndihmën mjekësore.
Drejtuesi i automjetit u shoqërua nga shërbimet e policisë, për kryerjen veprimeve të mëtejshme procedurale, ndërsa grupi hetimor ndodhet në vendngjarje dhe po punon për zbardhjen e shkaqeve të aksidentit, shtuan të njëjtat burime.
