Përgjimet e hetimit Prisma gozhdojnë Juventusin dhe i kujtojnë bardhezinjve Calciopoli. Të shumta ato që kanë të bëjnë me fitimet kapitale fiktive dhe të fryra. Bien në sy mbi të gjitha fjalët e Stefano Cerrato, CFO aktual i Juventusit: “Sidoqoftë Consob do ta sjellim vërdallë”. Fjalët që i referohen shkëmbimit Aké-Tongya me Marseille në janar 2021, me dy të rinjtë që vlerësohen 8 milionë euro. Pastaj përsëri për cështjen Pjanic-Arthur me Barcelonën: “Mendoj se do të ishte e përshtatshme t’i jepej atij një referencë për një parim kontabël apo diçka tjetër. Domethënë, a mund t’i sjell vërdallë në një mënyrë më të rafinuar?”.
Një situatë shumë e ndërlikuar që shqetëson tashmë drejtuesit e Juventusit prej një viti e gjysmë. Përgjimet mjedisore të një darke mes Federico Cherubini dhe Stefano Bertola, ish-drejtor financiar i Juventusit, datojnë nga 22 korriku 2021. Ishte ky i fundit që shprehu ankthin e tij në mbi tre orë bisedë: “Në 15 vjet më kujtohet vetëm një situatë kaq e keqe, Calciopoli. Aty na sulmuan të gjithë, këtu e krijuam vetë”.
Gjithçka duket se ka nisur me Fabio Paratici: “Ai shkoi shumë larg në mënyrë të ligjshme”, paralajmëroi Cherubini. Libri i zi i ish-drejtorit të Juventusit i gjetur në kërkime, konfirmon mënyrën se si bardhezinjtë vepruan midis 2018 dhe 2021. Më pas është edhe mbrojtja e menaxherit aktual të Tottenham: “Vendos 4 ose 8 në një shkëmbim është njësoj, shko dhe ma provo”.
Ajo që gozhdoi Andrea Agnelli, i cili ishte në dijeni të modus operandi, është një email i dërguar nga Bertola. Email është i datës 18 nëntor 2020: “Uljet e pagave dhe fitimet kapitale janë operacione kyçe për t’u siguruar”. Bordi i drejtorëve të Juventus dha dorëheqjen në 28 nëntor. Të gjithë drejtuesit e klubit ndoqën dorëheqjen e presidentit Andrea Agnelli dhe zëvendëpresidentit Pavel Nedved.
