Prej dy ditësh në kioskat ku shpërndahen abonetë e linjave urbane në kryeqytet, studentët janë përballur me radhë të gjata. Për të shmangur këtë qëndrim në pikat e shpërndarjes, ata kërkojnë që karta e studentit të njihet si dokument edhe për të udhëtuar në urbane. Edhe këtë muaj, për 50 mijë studentë janë printuar vetëm 20 000 abone.
Prej dy ditësh studentët në Tiranë janë përballur me radhë të gjata për të marrë abonenë e udhëtimit.
Disa minuta deri në 1 orë presin të rinjtë në kioskat ku shitet kjo biletë mujore.
“Pashë që kishte rradhë por do presim, çfarë të bëjmë,” tha një studente.
Nëse nuk e marrin, atëherë kjo mund t’iu kushtojë rreth 2000 lekë gjatë muajit.
“Do na kushtojë pak, nja 2000 lekë,” tha një student.
Karta e studentit është një dokument i domosdoshëm për të përfituar falas abonenë.
Ndërkohë për të shmangur radhët, të rinjtë kërkojnë që t’iu njihet në urban karta e studentit.
Ndërsa vendimin e bashkisë së Tiranës për ofrimin falas të aboneve deri në shtator të 2023 e kondiderojnë të padrejtë.
“Të ishte e përhershme dhe mirë është që qarkullimi të bëhet me kartën e studentit për të evituar rradhën,” tha ai.
Por përtej premtimeve elektorale të kryebashkiakut, ashtu si muajin e kaluar janë printuar 20 000 abone studenetësh për rreth 50 000 të tillë që jetojnë në Tiranë./oranews
