Kryetari i Partisë së Lirisë, Ilir Meta, ka uruar të gjithë shqiptarët për Ditën e Çlirimit.
Meta ka ndarë në Facebook një video gjatë homazheve të kryera tek memoriali “Nënë Shqipëri”, i rrethuar nga të rinjtë e PL-së. Ai shkruan se sot është koha që të rinjtë me vetëbesim të marrin më shumë përgjegjësi për të garantuar fatet e tyre dhe të ardhmen e Atdheut.
“GËZUAR DITËN E ÇLIRIMIT!
Sot të rinjtë kanë një detyrë po aq të madhe sa bashkëmoshatarët e tyre dikur, që me vetëbesim dhe angazhim të marrin më shumë përgjegjësi për të garantuar fatet e tyre dhe të ardhmen e Atdheut.
Shqipëria u përket të rinjve!
LAVDI DËSHMORËVE!”-shkruan Meta krahas videos.
