Këtë fundjavë parashikohet ndikim i masave ajrore të paqendrueshme.
Moti do të mbizotërojë me vranësira shtresore të dendura që prej orëve të paradites së të shtunës, gjë e cila do të vijojë edhe të dielën.
Reshjet lokale të shiut do të nisin të shtunën në mbrëmje dhe do të vijojnë gjatë gjithë ditës së diel. Reshjet e shiut do të jenë të herëpashershme me intensitet të ulët, lokalisht deri mesatar në veri.
Në relievet malore, sipas Shërbimit Meteorologjik Ushtarak, priten reshje dëbore.
Era do të fryjë me drejtim juglindje-verilindje e lehtë e mesatare në bregdet. Valëzimi në dete pritet i forcës 2 deri 4 ballë.
