Një aksident ka ndodhur pasditen e sotme në Memaliaj.
Sipas njoftimit të policisë, bëhet me dije se shoferi i një automjeti tip “Toyota” ka humbur kontrollin dhe për pasojë ka aksidentuar kalimtaren 37-vjeçare. E lënduara është dërguar me urgjencë në spital ku po merr ndihmën e parë mjekësore.
“Memaliaj. Rreth orës 17:15, në aksin nacional Memaliaj-Krahës, në vendin e quajtur “Krahës”, shtetasi A. H., 31 vjeç, banues në fshatin Toç, Memaliaj, duke drejtuar automjetin tip “Toyota”, ka aksidentuar shtetasen E. K., 37 vjeçe, këmbësore në rrugë, e cila u transportua për në spitalin Rajonal Gjirokastër, për të marrë ndihmën mjekësore”, njofton policia.
Drejtuesi i automjetit u shoqërua nga shërbimet e policisë, për kryerjen veprimeve të mëtejshme procedurale.
Grupi hetimor ndodhet në vendngjarje dhe po punon për zbardhjen e shkaqeve të aksidentit.
