Rreth një vit pas arrestimit pas përfshirjes në aferën e inceneratorëve, ish-ministri i Mjedisit Lefter Koka ia ka dalë që të fitojë të parën çështje përballë Gjykatës së Posaçme.
GJKKO pasi ka rrëzuar disa herë kërkesën e avokatëve të Kokës për lehtësimin e masës së sigurisë në “arrest në shtëpi”, ka vendosur sot t’i japë ish-ministrit mundësinë që të marrë trajtim mjekësor edhe jashtë mjediseve të paraburgimit, sa herë të jetë e nevojshme.
Vendimi vjen pas problemeve të herëpashershme me zemrën që Koka ka shfaqur në paraburgim dhe që disa herë kanë rënduar gjendjen e tij shëndetësore.
Edhe pse Koka sërish kërkoi masë më të butë sigurie, ndaj tij është lënë në fuqi masa arrest me burg për inceneratorin e Fierit, ndërsa togat e zeza të GJKKO-së kanë thënë se Kokës do t’i garantohen të gjitha të drejtat, përfshirë edhe përkujdesin shëndetësor.
