Një avokati e fortë që e djersiti për 53 minuta, siç ai vetë e tha me një postim në Instagram, të bënte të mendoje që Edi Rama do të ishte i pari që do të ngrinte kartonin jeshil pro projektit për portin e Durrësit.
Por në të vërtetë nuk ndodhi kështu, pasi shefi i qeverisë nuk u rikthye më në seancën maratonë ku marrëveshja e Ministrisë së Energjisë dhe Infrastrukturës me Mohamed Alabbar u miratua me 74 vota pro të socialistëve dhe dhe 35 kundër të opozitës.
Rama mungoi në votim dhe duket se për këtë ka një justifikim nga kreu i qeverisë.
View this post on Instagram
Me një tjetër postim në Instagram, ai ka treguar se është larguar jashtë vendit dhe aktualisht ndodhet në Madrid, ku po zhvillohet kongresi XXVI i Internacionales Socialiste.
“Në KONGRESIN XXVI të Internacionales Socialiste, ku sot zgjedhim Presidentin e ri, kryeministrin e Spanjës, Pedro Sánchez”, shkruan Rama.
