Një operacion antidrogë në Frakull të Madhe të Fierit, hetimet për të cilin kishin nisur që në maj të këtij viti nga SPAK me ndihmën e DEA-s ka çuar në zbulimin e rreth 430 kg kokainë, të fshehur në 20 paleta me 24 ton pleh artificial, që janë porositur në Kolumbi nga Zenel Çervanaku dhe kanë zbarkuar fillimisht në portin e Tivarit, në Mal të Zi.
Në skemën e trafikut të kokainës dhe përpunimit të saj, pasi shtetasi kolumbian Zaimir Rodriguez (i shpallur në kërkim) kishte mbërritur në Shqipëri për të kryer përpunimin e lëndës narkotike, ka qenë e përfshirë e gjitha familja Çervnaku.
Ish-kreu i komunës Frakull, Viktor Çervanaku (deri në 2021 i punësuar si drejtor pranë OST), vëllai i tij që është porositësi i ngarkesës me vlerë 40 milionë euro, por edhe djali Denilson Çervanaku, së bashku me të dashurën Enxhi Ferhati, janë aktualisht të arrestuar.
Ata janë pjesë e grupit prej 10 personash që prokurori Adnan Xholi tha se janë vënë në pranga, ndërkohë që aty bëjnë pjesë edhe 4 persona që u ndaluan në Rrugën e Arbrit, teksa qarkullonin me një automjet “Range Rover”, ku ishin të fshehura edhe 2 armë zjarri pistoleta.
TË ARRESTUARIT:
- Viktor Çervanaku
- Zenel Çervanaku
- Denilson Çervanaku
- Enxhi Ferhati
- Nikolin Gjolena
- Klajdi Vrioni (Kodra)
- Julian Malaj
- Redion Meshi
- Bledar Matoshi
- Marildo Rona
Klajdi Kodra
Viktor Çervanaku
Bledar Matoshi
Denilson Çervanaku
