Ka nisur në orën 11:00, në stadiumin “Al Janoub”, sfida Zvicër-Kamerun, e vlefshme për Grupin G të Botërorit “KATAR 2022”.
“Helvetët” kanë në formacion dy shqiptarë, kapiteni Granit Xhaka dhe Xherdan Shaqiri.
Teksa pjesa e parë është mbyllur pa gola, minuta e 49′ ka shënuar zhbllokimin e sfidës. Embolo kalon në avantazh “helvetët” pas asistit perfekt të Xherdan Shaqirit.
49′ GOOOL ZVICRA 1-0! Zhbllokohet sfida! Embolo kalon në avantazh “helvetët” pas asistit perfekt të Xherdan Shaqirit.
46′ Nis pjesa e dytë! Topin e parë të fraksionit të dytë e luan përfaqësuesja kamerunase.
PËRFUDON PJESA E PARË!
45+2′ Goditje këndi për Zvicrën, Akanzhi i pambuluar nga mbrojtja kamerunase ka goditur topin me kokë duke shkuar shumë pranë golit të avantazhit.
45′ Arbitri i katërt ka akorduar 2 minuta shtesë!
35′ Nuk ndalen sulmet e afrikanëve teksa Vidmer bën shpëtimtarin e skuadrës së tij duke i hequr topin sulmuesit të Kamerunit, Toko Ekambit në momentin e goditjes.
30′ Shpëton mrekullisht porta e “helvetëve”, me kamerunasit që shpërdorojnë sërish për golin e avantazhit.
26′ Minutat janë për kamerunasit, të cilët duken më të rrezikshëm me rastet e krijuara deri tani.
15′ Përsëri kamerunasit rrezikshëm, teksa Çupo-Moting ka shpërdoruar një rast flagrant për gol përballë me portierin zviceran Somer që e bën për vete topin.
10′ Kameruni provon të befasojë zviceranët me një kundërsulm, Ekambi ka humbur shansin e artë.
4′ Këto minuta ka Zvicra në kontroll lojën, duke ushtruar presion ndaj kamerunasve.
1′ Starton sfida! Përfaqësuesja zvicerane luan topin e parë të takimit.
