Seanca parlamentare për Buxhetin 2023 dhe projektin e portit të Durrësit ka nisur me debate e përplasje të forta në Kuvend, ndërsa akuza e kundër akuza për vrasje dhe lidhje me Putinin janë shkëmbyer mes Sali Berishës dhe Taulant Ballës.
Opozita ka kërkuar po kështu t’i jepet fjala dhe pasi kreut të PD-së nuk i është lejuar t’i përgjigjet kreut të grupit të PS-së Taulant Balla, deputetët e opozitës kanë rrethuar foltoren.
Ndërkohë, në Kuvend ndodhet edhe kryeministrit Edi Rama i cili në momentin që Berisha i drejtohet me gisht për ta bërë fajtor për aferën e portit të Durrësit, vendos duart në kokë.
Në vijim kryeministri zgjedh të shijojë një kafe (të shkurtër sipas gjestit me të cilin i drejtohet kamerierit), në një kohë që Berisha dhe deputetët e PD mbajnë “të pushtuar” foltoren në kërkim të së drejtës së tyre për të pasur 10 minuta kohë për debat.
