Akomodimi në Vlorë më 28 nëntor do të jetë falas në 15 hotelet kryesore të qytetit! Mjafton që të rezervoni dy netë qëndrimi dhe më 28 nëntor të akomodoheni falas për festat e flamurit. Një natë fjetje në 15 hotelet kryesore do të kushtojë vetëm 25 euro nata personi me mëngjesin e përfshirë.
Oferta vlen nga data 26 deri më 30 nëntor. Kjo ofertë është pjesë e iniciativës së veçantë të operatorëve turistikë në Vlorë me rastin e 110 vjetorit të Pavarësisë së Shqipërisë. Operatorët do të organizojnë një sërë aktivitetesh të cilët do të gjallërojnë qytetin duke i veshur ngjyrat kuqezi dhe atmosferën e festës.
