Analisti Andi Bushati është shprehur se i gjithë shteti është vënë në funksion të Mohamed Alabbar, i cili është investitor i Portit të Durrësit, sipas projektit të qeverisë.
I ftuar në emisionin “Now” në Euronews Albania, Bushati tha kryeministri Edi Rama e solli Alabbar dhe e shëtiti me helikopter në të gjithë Shqipërinë.
“I gjithë shteti vihet në funksion të këtij njeriu që kur e solli Rama e shëtiti me helikopter nëpër Shqipëri. Vendos Rama se kush investitor do të zgjedhë për Shqipërinë. Çfarë po del tani me inceneratorët, kanë vjedhur kanë bërë kërdinë dhe del kryeministri në Komision dhe thotë kush ka vjedh le të përfundojë në burg. Por ai është atje që të bëjë kushte dhe procese që të reduktojë hapësirën e atyre që duan të vjedhin”, tha ai.
