Kryetari i Partisë Demokratike, Sali Berisha tha se në kohën kur drejtonte qeverinë ka pasur ofertë për të dorëzuar Portin e Durrësit, por një gjë e tillë nuk ishte pranuar prej tij.
Nga foltorja e Kuvendit, Berisha nuk tregoi detaje se kush e kishte bërë këtë ofertë.
“Edi Rama do ta grabisë portin dhe do ta shndërrojë në hotele dhe pallate. Kemi patur ofertë për të dorëzuar portin e Durrësit dhe për të ndërtuar port në Porto Romano, por kjo është refuzuar në mënyrë kategorike. Këtu ka vjedhje dhe vetëm vjedhje, në shkelje flagrante të kushtetutës”, tha Berisha.
