Ashtu siç pritej Spanja e ka të lehtë ndaj Kosta Rikës me iberikët që kanë shënuar edhe golin e pestë. Ekipi i Enrique ka kaluar në avantazh fillimisht me një gol të Dani Olmo 12′, ndërsa dyfishoi rezultatin Marco Asensio në minutën e 21-të.
Goli i tretë u shënua nga Torres në minutën e 31-të pasi u tregua i saktë nga pika e bardhë e 11-metërshit. Në pjesën e dytë Ferran Torres shënon golin e dytë personal dhe të katërtin për skuadrën. Goli i pestë shënohet nga Gavi. Morata dhuron një asist për 18-vjeçarin e Barcelonës i cili gjuan fluturimthi dhe shënon në ndeshjen debutuese në një Kupë Bote.
