Një skandal raportohet të ketë ndodhur në Durrës, ku një qytetar ka përfunduar në komisariat e më pas në spital pasi ka kundërshtuar kryeministrin Rama.
Në një video të publikuar nga JOQ, qytetari gjatë fjalës së tij tregon se kryeministri Rama ka vizituar Durrësin, pas përmbytjeve që kanë ndodhur si rezultat i motit të keq, edhe pse në këtë qytet nuk janë raportuar probleme.
Qytetari i është drejtuar kryeministrit: “Pse nuk na vizitove kur ishim përmbytur, por vjen tani që nuk kemi probleme”?,- pyetje të cilën Rama nuk e ka pritur mirë dhe i është kthyer qytetarit me fjalë ofenduese.
Qytetari tregon se teksa po debatonte me kryeministrin, menjëherë ka ndërhyrë policia dhe e ka shoqëruar në komisariat, e më pas është dërguar në spital, pasi nuk është ndjerë mirë.
Në videon e mëposhtme, qytetari nga spitali tregon si ndodhi ngjarja.
