Në selinë e Partisë Demokratike mbërriti rreth orës 10:35 të mëngjesit të sotëm kreu i Partisë së Lirisë Ilir Meta për një takim me aleatin e tij opozitar, Sali Berisha.
Meta ishte i shoqëruar nga nënkryetari i PL, Petrit Vasili dhe qëndruan në selinë blu për 30 minuta, duke u larguar rreth orës 11:05. Në dalje, kreu i PL ka shmangur prononcimin për mediat, duke shprehur vetëm një falenderim për gazetarët.
Sakaq, tkimi në selinë blu vjen pak ditë para protestës së paralajmëruar nga Partia Demokratike për në 6 dhjetor, ditën kur në Tiranë do të zbarkojnë liderët e Bashkimit Europian në kuadër të Samitit midis BE dhe vendeve të Ballkanit Perëndimor.
Gjithashtu nuk përjashtohet që në fokus të diskutimeve mes Berishës dhe Metës të jetë procesi i Primareve që po zhvillohet nga PD dhe nga ku do të dalin 61 emrat e kandidatëve që do të sfidojnë PS në zgjedhjet lokale të 14 majit.
