Gjykata e Fierit pritet të japë masat e sigurisë për dy autorët e grabitjes së ndodhur në fshatin Klos të Mallakastrës, ku Ervis Halimi dhe Musa Godo i morën jetën duke e dhunuar 89-vjeçarit Çaush Shehaj.
Ndaj dy autorëve 22 dhe 28-vjeçar, të cilët u arrestuan disa orë pas ngjarjes rëndon akuza e “vjedhjes me pasojë vdekjen”.
Dy të rinjtë hynë në banesën e të moshuarit për të vjedhur para, por pasi nuk gjetën shumën e të ardhurave që kërkonin dhunuan 89-vjeçarin dhe bashkëshorten e tij të sëmurë.
Çaush Shehaj ndërroi jetë një ditë më pas në spital, ndërsa gruaja e tij ka marrë plagë të rënda në trup.
Fqinjët treguan për mediat se në shtëpinë e çiftit ka shenja gjaku dhe prova të forcës që autorët kanë përdorur, që te thyerja e derës e deri te lëvizja e mobiljeve. Sakaq, familjarët e të ndjerit kërkuan vendosjen në vend të drejtësisë, pse jo dhe “dënim me varje për autorët”.
