Një ngjarje e pazakontë raportohet të ketë ndodhur në Lezhë për shkak të përmbytjeve.
Mësohet se një grua e moshuar ka ndërruar jetë, ditën e djeshme, por për shkak të motit të keq, familjarët nuk kanë mundur ta përcjellin në banesën e fundit, kjo pasi rruga që lidh fshatin Torovicë me fshatin Malecaj në Njësinë Administrative Balldren është e bllokuar nga uji dhe nuk mund të kalohet me mjete të vogla.
Është dashur që trupi i të ndjerës të futet në një mjet bujqësor dhe më pas të kalohet në mes të rrugës në arkivol dhe makinën e funeralit për t’u përcjellë më pas në banesën e fundit.
