Sinoptikania Lajda Porja ka folur në lidhje me situatën meteorologjike në vazhdim. Porja ka thënë se situata është kritike sidomos për Shkodrën ku rreshjet do të pushojnë por do të vazhdojnë të martën deri në pasditen e të mërkurës.
Rreshjet e shiut do të jenë prezente dhe në jug duke parashikuar një përkeqësim në Vlorë, Gjirokastër, Tepelenë dhe Përmet. Në orët e vona të së mërkurës do të ketë ndërprerje, por mëngjesi i së enjtes do raportojë akoma dhe më shumë probleme.
Në jug të vendit do të kemi raportime, por nuk do jetë aq alarmante krahasuar me Shkodrën, Lezhën, Krujën, Durrësin apo Tiranën. Pas të enjtes nuk priten reshje për disa ditë me radhë, ndërkohë do të ketë rënie të temperaturave që nga mesi i javës. Pritet që të kalojnë në vlera negative një pjesë e mirë e zonave malore, ka thënë Porja.
