Këshilli i Lartë Gjyqësor miratoi në mbledhjen e sotme vendimin “Për fillimin e funksionimit të Gjykatës së Apelit të Juridiksionit të Përgjithshëm, që vjen në kuadër zbatimit të Hartës së re Gjyqësore.
Kështu, gjykata e Apelit Tiranë emërtohet Gjykata e Apelit të Juridiksionit të Përgjithshëm dhe nis funksionimin më datë 01 Shkurt 2023.
Nga ana tjetër, gjykatat e apelit në rrethe: Durrës, Gjirokastër, Korçë, Shkodër dhe Vlorë, ndërpresin veprimtarinë më datë 31.01.2023.
Vendimi parashikon që çështjet gjyqësore të regjistruara në Gjykatën e Apelit Tiranë, Durrës, Gjirokastër, Korçë, Shkodër dhe Vlorë deri në datën 31.01.2023, por që nuk kanë përfunduar sipas ligjit, transferohen në Gjykatën e Apelit të Juridiksionit të Përgjithshëm.
Shkrirja e gjykatave të Apelit të rrethe dhe bashkimi me Apelin e Tiranës në një gjykatë të vetme të shkallës së dytë në gjithë vendin, u kundërshtua nga opozita dhe avokatë, të cilët bojkotuan edhe seancat gjyqësore për disa javë.
