Chud Bellingham është bërë sot protagonist që në ndeshjen e tij të parë në një Kupë Bote, pasi debutimi i 19-vjeçarit ka rezultuar me një gol për Anglinë përballë Iranit. Një gol që e bën atë lojtarin e dytë më të ri pas Majkëll Ouen që shënon në një Kupë Bote për “tre luanët”.
Por ai do të mbetet unik në histori si një futbollist i përfaqësueses angleze në një Botëror. Bellingem, i cili aktivizohet me Borusia Dortmund, nuk ka luajtur asnjëherë në Premier League. Kështu, ai bëhet futbollisti i parë anglez që shënon në fazën finale të një Botërori pa luajtur asnjëherë në elitën e kampionatit të vendit të tij.
Debutim që ndoshta nuk do të vonojë, pasi gjigandët e futbollit anglez janë vënë në ndjekje të djaloshit dhe pritet që të duelojnë për të siguruar firmën e tij nga radhët e klubit gjerman.
