Gazetarja Ola Xama ka folur për situatën e përmbytjeve në Shkodër, është shprehur se Hidrocentrali i Komanit është duke punuar me vetëm 1/3 e kapacitetit të tij.
Mbrëmjen e sotme, e ftuar në SYRI TV, Ola Xama tha se ky fakt ka bërë që të shkarkohen mijëra metër kub ujë në sekondë, duke sjellë përmbytje të Shkodër.
“Komani mbrëmë ka hapur portat sepse është në kuotat maksimale. Nuk është rritur prodhimi në Koman. Deri 1 ditë më parë Komani ka punuar vetëm me 1/3 e kapaciteteve. Është punuar me vetëm një turbinë, duke mos prodhuar në maksimum. Komani mbrëmë ka hapur portat sepse është në kuotat maksimale. Janë miliona euro të derdhura. KESH ka bërë përpjekje për të bërë shitje energjie dhe nuk ka pasur oferta. Ka pasur një kontakt me Kosovën për të depozituar energji dhe KEK i është përgjigjur se nuk mund të fikë termocentralet sepse ka një kosto të lartë ndezja e tyre. Ndoshta Kosova duhej që të ishte njoftuar më herët dhe jo në minutën e fundit,”-tha gazetarja Ola Xama.
