Kjo e Hënë shënoi ditën e dytë të botërorit që po zhvillohet në Katar. Pas fitores së djeshme të Ekuadorit 2-0 ndaj pritësve të Katarit, ditën e sotme u zhvilluan tre sfidat e radhës.
Sipari u hap me Angli-Iran (Grupi B), me britanikët që triumfuan me goleadë 6-2. Të besuarit e Southagate shënuan 3 gola në harkun kohor të 10 minuta, duke nisur nga minuta e 35-të deri në të 45-ën.
Në pjesën e dytë anglezët shënojnë edhe tre gola të tjerë. Autorët e golave ishin: Bellingham, dy herë Saka, Sterling, Rashford dhe Grealish. Golat për Iranin u shënuan nga Taremi 65′, 113′.
Holandë-Kameruan ishte ndeshja tjetër që u mbyll me fitoren 2-0 të “Tulipanëve”, rezultat ky që nuk reflekton lojën në fushë. Holanda e përfundoi fraksionin e parë në sulm, Berghuis nuk doli dot në konkluzion të saktë. Pjesa e dytë ishte mjaft e ashpër dhe agresive nga të dyja skuadrat, sakaq pati ndalesa të shumta të lojës edhe për shkak të ndërrimeve.
Ekipi i Van Gaal vuajti shumë në ofensivë, pasi në 45 minutat e dyta e kishte të vështirë të çante përpara dhe për të provuar t’i afrohet golit. Gjithsesi, për golin do mendonte Cody Gakpo i PSV, realizim perfekt me kokë pas asistit të De Jong (84′). Në fund erdhi edhe goli i Klassen.
Dita u mbyll me SHBA-Uells që solli dhe barazimin e parë të Botërorit. SHBA-të kishin mundësinë të siguronin fitoren teksa zhvilluan një ndeshje të mirë. Ekipi i drejtuar nga Gregg Berhalter kaloi në avantazh në minutën e 36-të me anë të Timothy Weath, ndërsa Gareth Bale edhe pse nuk ishte në ditën e tij më të mirë, ndihmoi përfaqësuesen e tij me një gol, pas një ekzekutimi të një penalltie duke vulosur shifrat në 1-1.
Grupi A dhe B i Kupës së Botës mbyllin kështu edhe xhiron e parë të ndeshjeve.
Rezultatet e ditës:
