Punëtorët në Belgjikë tani kanë të drejtë të punojnë 4 ditë në javë, por ata që e aplikojnë nuk do të punojnë më pak orë.
Rregullorja, e cila u hartua nga qeveria belge në shkurt të këtij viti, ka hyrë në fuqi sot. Megjithatë, punëtorët belgë do të vazhdojnë të punojnë të njëjtën sasi orësh gjatë javës.Kështu, Belgjika është vendi i parë në Bashkimin Evropian që prezanton zyrtarisht një javë pune katërditore si opsion për punëtorët e saj.
Java e punës katërditore belge ndryshon nga shumica e javëve të tjera të punës katër-ditore të prezantuara në vende të tilla si MB dhe SHBA.
Të gjithë punonjësit në Belgjikë, pavarësisht nëse punojnë në sektorin publik apo privat, do të kenë zgjedhjen të punojnë nëntë orë e gjysmë në ditë për katër ditë, ose tetë orë në ditë për pesë ditë.
