Lidhur me situatën e krijuar nga reshjet e dendura të shiut, ku për pasojë KESH ka urdhëruar hapjen e portave tëg Kaskadës së Drinit dhe shkarkimin e ujit, ka reaguar edhe Partia e Lirisë. Përmes një statusi, Endrit Braimllari e konsideron të pakuptimtë situatën, ndërkohë akuzon KESH për keqmenaxhim.
Ai i bën thirrje SPAK të hetojë atë që ai e konsideronë babëzi të kësaj qeverie, keqmenaxhimin dhe korrupsionin.
Deklarata
KESH është në një situatë kaosi nga keqmenaxhimi me dashje të kaskadës së Drinit.
SPAK të hetojë këtë babëzi korrupsioni.
Në periudhën më të mirë hidrike në vend KESH vazhdon të blejë energji me çmim shumë të lartë si pasojë e kontratave që ka bërë dhe ndërkohë Kaskada e Drinit nuk po prodhon me kapacitet të plotë sepse nuk kanë ku ta çojnë energjinë.
Kaskada e drinit ka hap portat e shkarkimit duke përmbytur Shkodrën dhe ndërkohë nuk po prodhon me kapacitet të plotë.
Kjo është një krizë e thellë keqmenaxhimi që vjen si pasojë e korrupsionit në sistem ku keqmenaxhimi me vetëdije të plotë bëhet vetëm me një qëllim për të grabitur para nga shit-blerja e energjisë.
SPAK duhet të hetojë këtë babëzi korrupsioni.
