Besueshmëria e qytetarëve tek qeveria ka pësuar një rënie muajin e fundit, ndërsa është rritur entuziazmi për ecurinë e opozitës.
Këto janë rezultatet e një sondazhi të fundit të publikuar këtë të Premte nga “Euroneës Albania”.
Sipas rezultatit të sondazhit, besueshmëria e votuesve të PS-së për muajin shtator ishte 58.5%, ndërkohë që në muajin tetor ka patur një rënie në 50.8%. Por në ketë periudhë është rritur numri i socialistëve neutral. Ndërsa është rritur numri i votuesve të PS që kanë humbur besimin tek qeveria nga 10.8% në shtator, numri i atyre që nuk i besojnë qeverisë ka shkuar në 11.4 në tetor.
Besueshmëria nga qytetarët shqiptarë ndaj qeverisë po ashtu ka pësuar një rënie nga 24.8% në shtator, në muajin tetor shënon 18.5%. Në një muaj është rritur numri i qytetarëve neutral ndaj besimit që kanë tek qeveria nga 26.8% në 29.6% Po ashtu është rritur edhe numri i qytetarëve që nuk kanë besim tek qeveria nga 48.4% që ishte në shtator në tetor ka arritur 51.7%.
Nga ana tjetër, në muajin shtator, besueshmëria e votuesve të PD tek opozita ishte 9.9%, ndërsa në muajin tetor ka shkuar 17.3%. Ndërsa numri i demokratëve neutral ka rënë nga 25% në 23.7%. Po ashtu ka rënë numri i votuesve të PD-së që nuk i besonin opozitës.
Po jo vetëm votuesit e PD, por edhe aleatët e së djathtës janë më optimistë për opozitën. Besueshmëria e votuesve të PD së bashku me koalicionin është rritur nga 28.7% që ishte në shtator në 48.3% në tetor.
Ka pësuar një zbritje numri i atyre që ishin neutral nga 44.8% në 39% gjatë harkut kohorë shtator-tetor.
Një rrënjë të ndjeshme ka pësuar edhe numri i atyre që nuk i besonin opozitës nga 26.6% që ishte në shtator në 12.7% në tetor.
