Flakët kanë pushtuar ambientet e jashtme të një servisi në fshatin Dejë, Vau i Dejës, mëngjesin e kësaj të premte.
Policia njofton se servisi ka qenë në pronësi të shtetasit D. S., 44 vjeç .
Si pasojë e flakëve janë djegur plotësisht 2 automjete të parkuara.
“Në orët e para të mëngjesit të sotëm, në fshatin Dejë, Vau i Dejës, në ambientet e jashtme të një servisi automjetesh, në pronësi të shtetasit D. S., 44 vjeç, ka rënë zjarr dhe për pasojë janë djegur plotësisht, 2 automjete të parkuara”, njofton policia.
Grupi hetimor, nën drejtimin e Prokurorisë pranë Gjykatës së Rrethit Gjyqësor Shkodër, vijon veprimet hetimore, për përcaktimin e shkakut të rënies së zjarrit.
