Policia italiane i ka ndaluar një 44-vjeçari shqiptar që të afrohet në vendet e frekuentuara nga ish-gruaja e tij të cilën e përndiqte prej kohësh.
Shqiptari ishte kthyer në makth për ish-gruan pasi e përndiqte duke e kërcënuar dhe duke e bombarduar me mesazhe dhe telefonata, derisa e detyroi atë të ndryshonte stilin e jetës, madje të jepte dorëheqjen nga puna, raportojnë mediat italiane.
Dispozita e nxjerrë nga Prokurori Publik në Gjykatën e Velletrit nuk do të lejojë që i dyshuari të afrohet në një distancë prej njëqind metrash nga ish-gruaja dhe familjarët e saj dhe aplikimi i mjetit elektronik të kontrollit (i ashtuquajturi byzylyk) lejojnë monitorimin e pajtueshmërisë me këtë masë.
