Martesa e Mert Aydın dhe Merve Bolugur ka marrë fund 44 ditë pas dasmës. Dyshja i thanë “po” njëri-tjetrit më 2 tetor të këtij viti.
Sipas mediave të huaja ka qenë muzikanti ai që ka marrë hapin i pari për ndarjen nga aktorja e njohur e serialeve turke. Mert Aydın udhëzoi avokatin e tij që të niste procedurat e divorcit.
Lajmin e dnarjes e dha vetë aktorja me anë të një postimi në Instagram ku falenderonte ish-bashkëshortin për ditët e bukura që kishin kaluar.
“Nuk ia dolëm dot, faleminderit. Kjo është jeta.. Gëzuar Mert, faleminderit për ditët tona të mira…”-shkruante aktorja në postimin e saj.
Kjo ishte martesa e dytë e aktores pas ndarjes me këngëtarin Murat Dalkılıç, me të cilin u martua në vitin 2015.
Kujtojmë se Merve u bë shumë e njohur në Shqipëri me rolin e saj në serialin “Kuzey Güney”.
