Seanca gjyqësore në Gjykatën e Elbasanit për ngjarjen e 21 prillit të vitit 2021 ku mbeti i vrarë Pjerin Xhuvani do të zhvillohet më datën 2 dhjetor ora 10:00.
Seanca e sotme u shty pasi nuk ishte njoftuar Emiliano Prenga, i plagosuri në ngjarjen e 21 prillit.
Në seancën e radhës pritet që prokuroria të prezantojë përfundimisht ato prova mbi bazë të të cilave do të kërkojë zhvillimin normal të procesit gjyqësor.
Mësohet se në duart e prokurorëve ka rënë një video në të cilën shfaqet gjithë dinamika e ngjarjes.
I arrestuari Arbër Paplekaj pretendon se nëpërmjet kësaj videove do të faktohet gjithçka që ai pretendon se kanë ndodhur në atë ngjarje.
